Білім жаңалықтары
02.10.2025 | 49
Губаева Мүгілсін Мәулетқызы – ардагер ұстаз, «Қазақстанның еңбек сіңірген ұстазы» мемлекеттік наградасымен марапатталды
Губаева Мүгілсін Мәулетқызы – ардагер ұстаз, «Қазақстанның еңбек сіңірген ұстазы» мемлекеттік наградасымен марапатталды
Еңбек жолын 1972 жылы Алматы облысы Жамбыл ауданы Беріктас орта мектебінде бастаған. 2001 жылдан бастап №159 гимназияда, «EDtech-KZ» Халықаралық орталығында ҰБТ-ға дайындық бойынша жұмыс істеді.
Мүгілсін Мәулетқызы - тәжірибелі педагог, қырыққа жуық әдістемелік мақалалардың, оқу және әдістемелік құралдардың авторы. Оның әзірлемелерінің қатарында ағылшын тілінің грамматикасы бойынша Оқу құралдары, елтану бойынша материалдар, «Training Book» оқу құралы, талапкерлерге арналған тесттер жинағы мен жұмыс дәптері, көрнекі материалдар, үлестірме материалдар, қазақстандық оқулықтар бағдарламасына сәйкес әзірленген кестелер мен плакаттар, сондай-ақ тест тапсырмалары бар. Дарынды оқушылармен жұмыс істеуге ерекше көңіл бөлді. Оның тәрбиеленушілері ағылшын тілінен аудандық, қалалық және республикалық олимпиадалардың жеңімпаздары атанды. Оның кәсіби мансабының маңызды кезеңдерінің бірі АҚШ білім департаментінің IREX халықаралық бағдарламасына қатысу болды. TOEFL халықаралық емтиханын тапсырып, М. М. Губаева Еуразия, Оңтүстік Азия және Қазақстан елдерінің ағылшын тілі оқытушылары арасындағы байқаудың жеңімпазы атанды. 2008 жылы ол АҚШ-та тағылымдамадан өтіп, ESOL бағдарламасы бойынша Американдық мектеп оқушыларына сабақ берді.
Тәжірибе алмасу аясында ол Pueblo High School (АҚШ, Тусон қ.) мектебінің оқушыларымен және оқытушыларымен кездесулер ұйымдастырып, №159 гимназиямен оқушыларды халықаралық алмасу бастамасын көтерді.
М.М. Губаева - өзін тәлімгер, шабыт беруші және әріптестері мен студенттері үшін үлгі ретінде көрсетті. Оның білім беруді дамытуға, өскелең ұрпақтың тұлғасы мен құндылықтарын қалыптастыруға қосқан үлесі - шын мәнінде орасан зор.