Білім жаңалықтары
03.04.2025 | 79
Оқу-ағарту министрі жайлы мектептер ұжымдарымен кездесті
Оқу-ағарту министрі жайлы мектептер ұжымдарымен кездесті
Ғани Бейсембаев «Жайлы мектеп» ұлттық жобасы аясында салынған мектептердің директорлары және педагогтерімен жұмыс кездесулерін өткізді. Ұжымдардың алдына білім беру сапасын арттыру және заманауи білім беру ортасын дамыту бойынша міндеттер қойылды.
Министр атап өткендей, жайлы мектеп — бұл білім беру стандарттарын теңестірудегі және мектептегі білім беру моделін жүйелі түрде өзгертудегі маңызды қадам. Ұлттық жоба әрбір балаға тұрғылықты жеріне қарамастан заманауи талаптарға сай, сапалы білім алуға мүмкіндігін қамтамасыз етуге бағытталған.
«Жайлы мектептер үздік педагогикалық тәжірибелер мен инновациялық шешімдерді тарататын тірек білім беру ұйымдарына айналуы тиіс. Бұл бағытта қауіпсіз орта құруға, білім берудің тұрақты сапасын қамтамасыз етуге қабілетті басқару корпусы мен кадрлық әлеуетті қалыптастыруға ерекше назар аударылады. Осындай мектептер желісі арқылы біз елімізде білім беру сапасын кезең-кезеңімен арттыру жүйесін қалыптастырып жатырмыз», - деді министр.
Педагогтер өз кезегінде оқу процесін одан әрі жетілдіру бойынша тәжірибелерімен және ұсыныстарымен бөлісті. Әдістемелік қолдау, мұғалімдердің кәсіби дамуы және ата-аналарды оқу-тәрбие процесіне тарту мәселелері кеңінен талқыланды.
Сондай-ақ ұстаздарға арналған семинар ұйымдастырылып, онда жайлы мектептер тұжырымдамасы, бағалау және мониторинг жүйесінің тетіктері, кадр ресурстарын басқару тәсілдері, білім беру процесін цифрландыру құралдары ұсынылды.
-
-
03.04.2025 | 80
Оқу-ағарту министрі жайлы мектептер ұжымдарымен кездесті
-
01.04.2025 | 158
Жаңа оқу жылында 370 мыңнан астам бала 1-сыныпқа қабылданады
-
01.04.2025 | 156
Еліміздің мектептерінде төртінші тоқсан басталды
-
01.04.2025 | 146
Қазақстанда PISA-2025 халықаралық зерттеуі басталды
-
31.03.2025 | 182
МЖМБС-2026 басты өзгерістері